Тавантолгойн ордын ба­руун Цанхын хэсэгт үйл ажиллагаа явуулах стратегийн хөрөнгө оруулагчийг Засгийн газар тодруулаад удаагүй байгаа. Гэхдээ энэ шийдвэрийг Үндэсний аюулгүй байдлын зөвлөл болон УИХ-аар хэлэлцэж байж эцсийн шийдвэр гаргах юм. Гэтэл Ерөнхийлөгчийн зүгээс Таван­толгойн стратегийн хөрөнгө оруулагчийг сонгохдоо УИХ-ын 39 дүгээр тогтоолыг бүрэн утгаар нь тусгаагүй байгаа хэмээн үзэж буй бололтой. Энэ нь Тавантолгойн арван хувийг иргэдэд эзэмшүүлэх тухай асуудал юм.

Түүнчлэн шалгаруулалтад анхнаасаа байгаагаагүй Мон­гол, Оросын консорциум яагаад ялалт байгуулах болс­ныг тодруулахыг Ерөнхийлөгч Ц.Элбэгдоржийн зүгээс хүсч буй аж. Мөн Оросын талтай нэгдэж байсан Япон, Өмнөд Солонгосын хө­рөнгө оруулагчдыг эцсийн шалгаруулалтын гадна үлдээсэн үү, эсвэл Оросын эзэмшилд очих 18 хувьд тэдний оролцоо бий юү гэдгийг тодруулах гэнэ.

Эндээс харахад, Үндэсний аюулгүй байдлын зөвлөлийн гишүүд дотроо зөрчилдөж, Тавантолгойн стра­тегийн хөрөнгө оруу­лагчийн сүүлчийн сонгон шалгаруулалт хүчингүй болж мэдэх бололтой.