Махмуд Ахмадинеджад Ираны цөмийн хөтөлбөр цэр­гийн шинжтэй байгааг зарлаад шууд ил тодоор ажиллаж эхлэх хүсэлтэй бол Ираны шашны лидер аятолла Али Хаменеи дэлхийн ширүүн эсэргүүцэлтэй тулгарна гэдгийг илэрхийлж байгаагаа мэдэгдэв. Гэхдээ тэрээр ийм зүйл болохгүй байгаасай гэж хүсч байгаагаа бас илэрхийлэв.

Тус орны энэ асуудлаар хамгийн мэдээлэл сайтай гэгд­дэг тагнуулын албаны тай­лан өнгөрсөн баасан гаригт тавигджээ. Энэ талаар АР мэдээлсэн байна.  Харин энэ тайлан нь дэлхийн цэргийн шинжээчдийн ихэнхийн Хаме­неи­гаас илүүтэйгээр цөмийн асуудалдаа  Ахмадинежад зөөлөн бодлого барьдаг гэсэн саналтай нийлэхгүй байгааг тэмдэглэв.  Ер нь бол Исламын орон цөмийн зэвсэгтэй болохыг хүсвэл хэн ч юу ч саад болж чадахгүй хэмээн Ахмадинеджад нэг биш удаа хэлж байсан юм.

Олон улсын хамтын нийгэм­лэг хатуухан хориг тавиад байгаа ч Иран цөмийн зэвсэгтэй болох нь тодорхой болсоор байгаа. Тийм ч учраас Ираны удирдлагын цааш­дын хандлагыг тогтоох нь маш чахал асуудал болоод байгаа юм.

Гэхдээ Иран цөмийн хөтөл­бөрөө цэргийн зориулалтгүй гэж олон жилийн турш хэлсээр ирсэн юм.