Aфганистаны зүүн өмнөд хэсэгт өнгөрсөн долоо хоногт Афганистан, НАТО-гийн хүчний оролцоотой хэд хэдэн зэвсэгт мөргөлдөөн болох үеэр наад зах нь 80 тэмцэгч амиа алдсан талаар Пактика мужийн захирагч ням гаригт мэдэгджээ. Харин НАТО-гийн зүгээс ердөө 50 орчим үймээн дэгдээгч зэвсэгт тэмцлийн үеэр үрэгдсэн хэмээн мэдэгдсэн байна. 

Хакканийн сүлжээнийх нэрээрээ алдартай газар нутагт Афганистаны тусгай хүчин болон хүнд зэвсэг агссан хэд хэдэн бүлэглэлүүдийн хооронд болсон зэвсэгт мөргөлдөөн өнгөрсөн лхагва гаригт эхэлж, пүрэв гаригийн шөнө хүртэл үргэлжилжээ. Уг мөргөлдөөнөөс гадна ням гаригт Хелманд мужид таван тэмцэгч амь үрэгдсэний дотор Талибаны удирдагчдын нэг байсан байна. Энэ үйл явдал Афганистаны тусгай хүчин Кабул болон Панжшир мужуудад энхийг сахиулах ажиллагаагаа дуусгавар болгох үетэй давхацжээ.

Ажиглагчид Хакканийн сүлжээг Талибанчуудтай нягт холбоотой ажиллаж, Пакистаны хил орчмын нутгаар байрладаг гэж үздэг.