Норвеги улсад террорист халдлага дэлхийн нийтийг айдаст автуулж байна. Өнгөрсөн баасан гарагт Норвеги улсын нийслэл Осло хотод аймшигт дэлбэрэлт болж, урьдчилсан байдлаар 85 хүний амь нас үрэгдсэн нь тодорхой болоод байгаа билээ. Тус улсын аюулгүй байдлын албаны хэвлэлийн төлөөлөгч мэдэгдэхдээ “Бид­ний өмнө нөхөж баршгүй том гарз учирлаа. Ах дүү, хамаатан садан уг террорист халдлагад өртөж, уй гашуу авчирлаа. Одоогийн байдлаар амь үрэгдсэн хүмүүсийн тоо 100 хүрэхгүй байгаа ч дэлбэрсэн байшингийн нурангинд дарагдсан хү­мүүсийг аврах багийнхан хайж байна. Хамгийн эмгэнэлтэй нь уг хэргийг манай улсын иргэн, 32 настай Андерс Бревик гэгч залуу үйлдсэн нь нотлогдсон” гэжээ.

Андерс Бревик нь 32 настай, эрхэлсэн ажилгүй нэгэн бөгөөд түүний нэр дээр гурван гар буу, хоёр хагас автомат буу бүртгэлтэй байсан талаар Норвегийн “VG”  сонинд бичжээ. Мөн Андерс Бревик өмнө нь зэвсгийн дэлгүүрт багагүй хугацаанд худалдагч хийж талаар ч нотлох баримт олон байна. Тэрбээр Норвегийн нэгэн гар бууны клубын гишүүн ажээ. Тусгай албаныхан түүнийг сүүлийн хэдэн сар тодорхой эрхэлсэн ажилгүй, гэртээ байсан талаар  гэрчийн мэдүүлэг авсныг CNN агентлаг мэдээлсэн. Тэрбээр өөрийн Faсebook-д “Хэрэв хүн ганц амьдрах байсан бол юу, юу хийж үзэх байсан бол” гэсэн зурвасыг бичсэн байжээ.  Өчигдөр Норвеги улсын хэвлэл мэдээллийн хэрэгслүүдээр “Андерс Бревикийн шүүх хурал маргааш буюу өнөөдөр болно. Шүүх хурлын үеэр түүний юу гэхийг олон нийт сонсох болно” гэх утгатай цацагдсан мэдээлэл билээ. Норвегийн Цагдаагийн албаны дарга Свейнунг Спонхэйм  “Манай албаны хяналтын камерт Андерс Бревик хүмүүстэй яриа өрнүүлж цуглуулж байгаад буудаж буй нотлох баримт бий. Түүний хийсэн “Балмад” үйлдэл нь зөвхөн манай улсад биш дэлхий дахинд сэрэмжлүүлэг өглөө” гэсэн юм.

Харин Осло хотын төв эмнэлэгт хүргэгдсэн нэгэн хохирогчийн мэдэгдэж буйгаар “Нэг залуу хүмүүст “Хүмүүсээ би та нарт нууц мэдээлэл өгөх гэсэн юм” гэж миний таамаглалаар 20-25 хүн цуглуулсан. Дараа нь ар нуруунаасаа буу гарган ирж, буудсан. Миний гуя, нурууны зүүн доод хэсэгт буудсан” гэжээ.  Энэ талаар Норвегийн “VG” сонинд дэлгэрэнгүй бичсэн юм. Андерс Бревикийн гэрээс  2007 онд Пакистан найзуудтайгаа авахуулсан зураг олдсон нь террорист ажиллагаа явуулах үндэс суурь нь болсон талаар CNN агентлаг онцолжээ.

Албаны хүмүүсийн мэдэгдэж буйгаар “Исламын орнуудаас цагаачлалаар ирсэн хүмүүс Европын орнуудыг зорьсоор байгаа нь ийм л үр дагавар авчирдаг боллоо. Энэ талаар Европын орнууд дор бүрнээ өндөржүүлсэн бэлэн байдалд байх нь зүйтэй” гэсэн анхааруулгыг өгсөн. Норвегийн хүн ам тооллогын 2010 оны судалгаагаар  ойролцоогоор иргэдийнх нь 144 мянга Мусульман шашинтан аж. Эдгээрийн хэд нь “Террорист ажиллагаа явуулах боломжтой вэ” гэвэл “Гуравны нэг нь” гэж мэргэжилтнүүд хариулах байсан талаар BBC агентлагийн сэтгүүлч  онцолсон.

Норвегид болсон уг террорист халдлагыг зөвхөн Андерс Бревик биш, цаана нь хэн зохион байгуулсан байж болох талаар АНУ-ын Терроризмтой тэмцэх албаны мэргэжилтэн олон нийтэд асуулга тавьсан юм.

“Долоодугаар сарын бороо” нэртэй террорист халдлагууд ийнхүү зарим ажиглагчийн тааварлаж байсанчлан Европын зарим орон руу болон Азийн оронд халдлага үйлдлээ. Энэ бүхэн АНУ-ын цэргээ гаргах ажиллагаанаас болсон талаар зарим улс төр судлаачид болон мэргэжилтнүүд дүгнэсээр байна. Хэдийгээр “Аль-Кайда” бүлэглэлийн экс удирдагчийг устгасан ч талибанчууд болон Андерс Бревик мэтийн  террористууд хэд байгаа бол гэхээс айдас төрсөн хүмүүс их байгаа нь тодорхой.

Өнөөдөр Норвеги улсад өн­дөр­жүүлсэн онцгой байдал зарлаад байгаа бөгөөд албаныхан шаардлагатай гэж үзвэл улсынхаа хилийг хаахаа ч мэдэгдсэн. Ямартай ч уг хэргийг үйлдсэн нь нотлогдоод байгаа Андерс Бревикийн шүүх хурал өнөөдөр болж,  хийсэн зүйлийнхээ гол шалтгааныг олон нийтэд хэлнэ гэдэгт найдаж байгаа талаар BBC агентлаг мэдээлсэн. Андерс Бревикийн өмгөөлөгч “Тэрбээр өөрийн үйлдлийг тайл­барлахаа амласан” гэжээ. Харин “Яагаад Норвеги” гэдэг асуулт уншигч бидний дунд асуулт хэвээр үлдлээ. Энэ талаар үргэлжлүүлэн мэдээлэх болно.