Дархан хотод иж бүрэн спорт цоголбор барих ёслол боллоо. Уг цогцолборын их заал нь 2200 хүний суудалтай, 250 хүнийг хүлээн авах багтаамж бүхий ресторан, 60 хүний суудалтай кафе, есөн давхар, 150 хүний ортой зочид буудал, туслах заал, усан бассейн, хурлын заал бүхий таван хэсэгтэй ажээ. Уг цогцолборыг барихад улсын төсвөөс 11 тэрбум 600 сая төгрөг зарцуулж байгаа ба ирэх оны сүүлчээр ашиглалтад хүлээлгэн өгөх ажээ.