Замын-Үүдээр ОХУ-д үйлдвэрлэсэн Маз, Караз, Камаз, Зил-130, УАЗ-469 зэрэг чиргүүлтэй машиныг нэвтрүүлэхгүй байхаар Хятадын талаас хориг тавьсан тул Замын-Үүдээр Эрээн рүү гарах авто замыг хааж, хүнд оврын ачааны машины жолооч нар суулт зарлажээ. Ингэснээр УАЗ 469 машиныг гаалиар гаргаж эхэлсэн боловч бусад машиныг хэрхэх нь тодорхойгүй байна. БНХАУ-ын зүгээс энэхүү хоригийг анх удаа тавьж байгаа бус бөгөөд өмнө нь нэг бус удаа хориг тавин цуцалж байжээ.