Монгол Улсын төрийн шагналт хөгжмийн зохиолч Н.Жанцанноровийн хүү Дамдинцэрэн “Жанцанноров” хэмээх сан байгуулжээ. Ж.Дамдинцэрэн нь Япон улсын Токиогийн соёлын их сургуульд суралцдаг бөгөөд нутагтаа амрахаар энэ сарын 13-нд Монголд ирээд байгаа юм. Тэрбээр “Жанцанноров” сангаа нээгээд удаагүй байгаа бөгөөд үйл ажиллагаагаа хараахан эхлээгүй байгаа гэнэ.

Одоогоор Ж.Дамдинцэрэн аавынхаа хамт Өвөрхангай аймгийн 80 жилийн ойн баяр, наадамд оролцохоор зочлоод байгаа юм. Өвөрхангай аймгийн ойн баяр энэ сарын 28, 29-нд болно.