Монголын үндэсний ардчилсан нам /МҮАН/-ын дарга М.Энхсайханыг Шведэд суух Монголын Элчин сайдаар томилох шийдвэрийг УИХ-аас гаргасан. Үүнтэй холбоотойгоор тус намын даргын албан тушаалаасаа М.Энхсайхан өөрийн хүсэлтээр чөлөөлөгдсөн байна. Түүний оронд Б.Цогтгэрэл намаа удирдахаар болжээ.

Б.Цогтгэрэл нь эдийн засагч, хуульч мэргэжилтэй, ИНЕГ-ын Эдийн засгийн зохицуулалтын алба, Үйлдвэр хөдөө аж ахуйн дэд сайд, Шадар сайдын зөвлөх зэрэг албан тушаал хашиж байжээ.

МҮАН-ын хувьд УИХ-ын 2016 оны сонгуульд оролцоогүй юм. Сонгуулийн өмнөхөн тус намаас Г.Уянга гарч Тусгаар тогтнол, эв нэгдлийн намын дарга болсон бол М.Сономпил, Н.Батцэрэг нар гарч Ардчилсан намын гишүүн болсон юм.

 Б.БАТ