Японы мэргэжлийн сумо бөхийн долдугаар сарын нагоя башё өнөөдөр өндөрлөж байна. Хоёр ч башё завсарласны эцэст албан ёсоор зохиогдож буй энэ удаагийн башёд ёкозуна Хакухо, озэки Харумафүжи нарын тэргүүтэй Монголын  найман бөх макүүчи буюу дээд зиндаанд зодоглосон.

Озэки Харумафүжи Д.Бямбадорж 14 даваа, нэг унаатай дээд зиндааны хоёр дахь түрүүгээ авлаа. Тэрбээр өнгөрсөн оны нацу башёд түрүүлж байсан юм.

Харин их аварга Хакухо М.Даваажаргал 13 даваа, хоёр унаатайгаар башёг өндөрлүүллээ.