Хятадын Хенан мужийн Шинян хотын хурдны зам дээр автобус шатаж, автобусны жолооч болон зургаан зорчигч зугтаж амжсан ч үлдсэн 41 зорчигч амиа алдсан талаар Синьхуа агентлагаас мэдээллээ. Уг автобус нь 35 хүний суудалтай ч, тухайн үед зорчигчийн тоог хэтрүүлэн явж байжээ. Галын шалтгааныг одоогоор тогтоогоогүй байгаа ч Синьхуа агентлагийн мэдээлснээр автобусанд галд шатамхай зүйл тээвэрлэж явсан байж болзошгүй байна.

Амьд үлдсэн зорчигчдын хэлж байгаагаар гал автобусны арын хэсгээс гарч эхэлсэн гэнэ. Галын улмаас цогцоснууд нүүрс болтлоо шатсан тул зөвхөн ДНК-ийн шинжилгээгээр хэн болохыг нь тогтоох боломжтой юм байна. Энэхүү осол Бээжинг Жухай хотын өмнөд хэсэгтэй холбодог хурдны зам дээр орон нутгийн цагаар баасан гаригийн өглөө 04.00 цагт болжээ. Шинжээч, мэргэжилтнүүдийн баг цогцсуудад үзлэг шинжилгээ хийж эхлэхээс өмнө хэргийн газарт очсон байна.

Замын ослоор 2009 оны байдлаар Хятадад 70,000 орчим хүн амиа алдсан тооцоо байдаг ажээ.