Умардууд тусгай элчийг АСЕАН-тай найрсаг харилцаа, хамтын ажиллагаагаа өргөжүүлж, хөгжүүлэх зорилгоор илгээх гэж байгаа талаар тус улсын Гадаад хэргийн яамны хэвлэлийн төлөөлөгч мэдэгдсэн байна.
Бүс нутгийн энх тайван, тогтвортой байдлыг дэмжиж, улсуудын бие даасан тусгаар байдлыг дээдэлж, дотоод хэрэгт оролцохгүй тэгш байх зарчмыг баримталдаг улс төр, эдийн засгийн хүчин болох АСЕАН-тай Хойд Солонгос улс цаг ямагт харилцаагаа хөгжүүлэх тал дээр онцгой анхаарал хандуулж ирсэн юм.
Умард Солонгос улс 2000 онд АСЕАН-ы бүс нутгийн чуулганд оролцож байсан бөгөөд 2008 онд Зүүн өмнөд Азийн нөхөрсөг харилцаа, хамтын ажиллагааны тухай олон улсын гэрээнд нэгджээ.