Дэлхийн хоёрдугаар дайны үеэр Японы атомын бөмбөгдөлтөнд өртсөн Сувдан арал орчмын далайн ёроолоос Япон нисэгчийнх байж болзошгүй гавлын яс олдсоныг АНУ-ын эрдэмтэд шинжилж байна. Гавлын ясыг өнгөрсөн дөрөвдүгээр сард 12 метрийн далайн гүнд хайгуул хийж байсан хүмүүс олжээ. Археологичид энэхүү гавлын ясыг 1941 оны халдлагын үеэр амиа алдсан 55 Япон нисгэгчийн нэгнийх байж магадгүй гэж үзэж байгаа аж.

Эрдэмтэд болон дайны үед хоригдож байсан дайчид, сураггүй алга бологсдыг олж илрүүлэх багийнхан хамтарч 1941 оны арванхоёрдугаар сарын 7-нд бөмбөгдөлтийн үеэр амиа алдсан Япон нисэгчийн гавлын яс мөн эсэхийг тогтоохоор пүрэв гаригт дээрх гавлын ясанд шинжилгээ хийж хариу нь эерэг гарчээ. Археологич Жеф Фонын мэдэгдсэнээр гавлын ясыг 1940-өөд оны үеийн хоолны сэрээ, метал эдлэл, кока-коланы лонхны дэргэдээс дээрх олсон байна. Сувдан арлыг бөмбөгдөх үеэр АНУ-ын усан цэргийн флотын 2,400 орчим тэнгисийн цэрэг амиа алдаж байсан гэдэг.