Засгийн газар төрийн 4000 айлыг санхүүжүүлэх хөрөнгийг босгохоор Монголын хөрөнгийн биржээр дамжуулан үнэт цаас гаргаж буй билээ. Засгийн газар энэхүү хөрөнгийг босгох бондын арилжааг ирэх сарын 8-ны өдрийн арилжаагаар хийхээр тов тогтоосон байна. Өмнө нь зургадугаар болон долдугаар сард зохион байгуулж байсан үнэт цаасны арилжаагаар нийтдээ 55 тэрбум төгрөгийн санхүүжилт босгосон юм. Харин энэ удаагийн арилжаагаар хэдэн төгрөгийн санхүүжилт татах үнэт цаас гаргах нь одоогоор тодорхойгүй байна.

Тухайн өдрийн арилжаанаас хувь хүн, аж ахуйн нэгж үнэт цаас худалдан авах боломжтой. Ингэхийн тулд харилцдаг брокер, дилерийн компаниар дамжуулан арилжаанд оролцох юм.