Соёл яруу найргийн Монголын академи үндэснийхээ утга зохиол, оюуны соёлын үнэт зүйлсийг түгээн дэлнэрүүлэх зорилгоор www.muzo.mn цахим номын сан байгуулахаар ажиллаж байгаа аж. Орчин үеийн дэвшилтэт хязгааргүй хуудастай, түргэн шуурхай энэхүү номын санд Монголын эртний болон орчин үеийн яруу найраг, хүүрнэл зохиол, шүүмж судлал, хүүхдийн уран зохиолын дээжис болон дэлхийн шилдэг, сонгодог бүтээлүүд ч багтах юм байна. Цахим номын санг англи, монгол хэлээр ашиглах ба монголын зохиолчдод дэлхийн уншигчдад уран бүтээлээ хүргэх гарц нь болох ажээ.