УИХ-ын эрхэм гишүүн, монгол бөхийн цагийг эзэлсэн их аварга Б.Бат-Эрдэнэ Хөвсгөл аймгийн 80 жилийн ойд морилон очжээ. Энэ нь цаанаа учиртай юм байна. Их аварга маань монгол бөхийн гурван их аваргыг төрүүлсэн Хөвсгөл аймгийн Цагаан-Үүр сумын хүргэн гэнэ. Үүрийн голоос “Гарлаа, давлаа” хэмээн шуугиулж агсан Д.Дамдин, Б.Бээжин, Б.Цэвээнравдан гээд нэг үе монгол бөхийн дэвжээг эзэгнэж явсан аварга цолтнууд төрсөн юм. Ийнхүү их аваргуудын нутгийн аварга хүргэн хадмын нутагт наадаж явна.