Сүхбаатар дүүргийн мөрдөн шалгах хэлтсийн ахлах прокурор О-г албан үүргээ гүйцэтгэх явцдаа онц их хэмжээний авлига авсан хэргээр өнгөрсөн долоо хоногт баривчилсан тухай эх сурвалж мэдээллээ. Түүнийг ШШГЕГ-ын харьяа хорих 461 дүгээр ангид саатуулсан байна. Тодруулбал, прокурор О-нь залилангийн хэрэгт сэжиглэн байцаагдаж байсан этгээдээс авлига авч, хэргийн зарим зүйл заалтыг хэрэгсэхгүй болгосон байна. Гэхдээ АТГ-аас хэргийн мөрдөн байцаалтын тодорхой тайлбар өгөхгүй гэлээ.

Эх сурвалжийн мэдээлснээр ахлах прокурор О нь Эрүүгийн хуулийн 268.2 дахь хэсэгт заагдсан хүнд гэмт хэргийг үйлдсэн гэдэг үндэслэлээр хорьсон байна. Мөн хэрэгт улс төрийн хэд хэдэн өндөр албан тушаалтнууд холбогдож болзошгүй байгаа аж.

Д.УУДАМ