Америкийн ерөнхийлөгчийн сонгуулиас өмнө олон зохиолч Трампын эсрэг байр сууриа маш хурц илэрхийлсэн. Тэдгээрээс цөөн заримыг нь утгачлан (бас товчлон) хөрвүүлснээ хуваалцая.

• Трамп ялсан мөчийг зарлахад л би ногоон картаа урж хаяад, энэ улсаас явахаар ачаагаа баглана…

• Би энэ улс оронд урам хугарч байна. Трамп бол эмэгтэйчүүдийг дорд үздэг, хүмүүсийг арьсных нь өнгөөр ялгаварласан зүйлс хамаа намаагүй ярьдаг хүн. “Цагаан арьст америк хүн л бүхний орой дээр байх ёстой” гэж үздэг мунхаг хүн олон учраас л тэр ийм алдартай байгаа юм…

• Сонгууль дуусаад төд удалгүй, ердөө 11 сард л тэр бусдыг рекетлэсэн хэргээр шүүхэд дуудагдана. 12 сард хүүхэд хүчирхийлсэн хэргээр ахиад шүүхэд очно. Трамп бол бэлгийн гаж донтон. Байгуулсан САН гээч нь ердөө л татвараас зайлсхийх арга мэх…

• Хиллари Клинтон бол Трампаас хамаагүй илүү ЭР ХҮН. Тэр бол эр хүний сайн сайхан зан чанаруудаас өөртөө шингээсэн эмэгтэй. Та өөрийн таньж мэддэг, бие даасан үзэл бодолтой ямар ч эрэгтэй хүнээс Трампын тухай асуугаад үзээрэй. “Хүн болгоныг дээрэлхэн, онгирч байснаа нэг цохиулангуутаа л уйлдаг хөгийн хөвгүүд дунд сургуульд байдаг даа, тийм л амьтан шүү дээ” гэж хэлэх вий…

• “Америкийг ахиад аугаа болгоно” гээд л нэг фашист амьтан хашгираад байх юм. Цөмийн зэвсгийн товчлуурын хажууд түүний балцгар хуруу байна гээд бодохоор аймшигтай. “Бүх лалын шашинтныг нэвтрүүлэхгүй” ч гэх шиг. “Хана барина” ч гэх шиг… Зан араншингийн хувьд бол тэр зүгээр л шөнийн клубын ойворгон сагсуу амьтан шиг…

• Эдийн засгийн хямралаас эхлээд юм бүхнийг Трамп цагаачидтай холбож, “хүчирхийлэгчид", "дээрэмчид, "тонуулчид” гэх мэтээр нэрлэж байна. Хар ерөнхийлэгчтэй найман жил болоход цагаан хүмүүсийг ингэтэл гадуурхчихсан юм шиг л аашилж байна. Тэр бол улс төрийн яриа хэлэлцээний эрүүл саруул уур амьсгалыг хордуулагч…

• “Би ялагдсан ч зүгээр; эргээд л сайхан амьдрал руугаа оччихно” гэж Трамп хэлж байна. Ямар новш нь вэ! Арьсны үзэлтэй нэг амьтан ийм том намын нэр хүндийг сүйрүүлж хаячихаад санаа амар явж гольф тоглох юм гэнэ…

• Трампыг үнэн голоосоо ийм зүйлс яриад яваа гэж бодохгүй байна. Гэхдээ маш олон хүн түүнийг дуурайж: бөөн уур цухал болсон, харанхуй, бүдүүлэг ааш авир гаргаж буйд би үнэн голоосоо санаа зовж байна…

ЭХ СУРВАЛЖ: ӨЛЗИЙТӨГС ЛУВСАНДОРЖ