АНУ-ын  Ерөнхийлөгчийн сонгуульд нэр дэвшигч Хиллари Клинтон, Дональд Трамп хоёрын анхны халз мэтгэлцээнээ явуулсан цагаас хойш АНУ-ын өрийн хэмжээ 237 тэрбумаар нэмэгдсэн байв.  Гурав дахь мэтгэлцээн явагдах энэ хооронд дөнгөж 22 хоног өнгөрсөн байна гэж Америкийн CNS News сонин сүүлчийн мэтгэлцээний өмнө мэдээлэв.

Сэтгүүлчид өөрийн судалгаандаа АНУ-ын Сангийн яамны албан ёсны мэдээг ашигласан байв. Түүний дагуу есдүгээр сарын 26-ны ажлын өдрийн төгсгөлд АНУ-ын засгийн  газрын өрийн нийт дүн нь $19 529 588 502 748,67 доллар байсан бол аравдугаар сарын 18-ны ажлын өдрийн төгсгөлд $19 766 580 028 249,41 доллар болон тэдний ялгаа нь $237 тэрбум болжээ.

Хэрэв энэ нийлбэрийг тэр агшинаас хойших өдрүүдэд хуваах юм бол АНУ-ын улсын өр хоног тутамд 10,8 тэрбумаар нэмэгдэж байсан болж таарна. Сонгуулийн кампанит ажлын сүүлийн гурван долоо хоногийн дотор өрийн нийт хэмжээ нь АНУ байгуулагдснаас эхлэн 1944 оны санхүүгийн жил хүртэлх хугацааны нийт өрийн хэмжээнээс давлаа.

Обамагийн зорилго уу?

2012 оны Ерөнхийлөгчийн сонгуульд  оролцсон сонгогч тус бүрт бараг 2000 долларын өр  ноогдож байлаа гэж уг сонин бичсэн байна.

Өмнө мэдэгдэж байснаар 2015 оны санхүүгийн  жилд өдөр бүр АНУ-ын улсын өр 2,1 тэрбумаар өссөн ба 2016 онд тэр нь 29 хувиар нэмэгдэн 2,7 тэрбумд хүрчээ. Үүнийхээ хажуугаар, АНУ-ын ДНБ зөвхөн 1,2 хувийн өсөлтийг харуулж, хүн амын бодит орлого 1989 оных шиг байгаа юм.

АНУ-ын улсын өрийн нэмэгдэл, төсвийн алдагдал зэргийн талаар тус орны хэвлэл мэдээллийн  хэрэгсэл чимээгүй өнгөрөх талдаа байдаг. Учир нь өнөөгийн  америкчууд Обамагийн засаглалын үеэр  өмнөхөөсөө сайн амьдралтай болсон гэдэгтэй нь тэр талаар бичээд байвал зөрөлдөх юм.  Бас Ардчилсан намын хүнд засгаа өвлүүлэх гэж байгаа үед чимээгүй өнгөрсөн нь дээр гэдэг бололтой.

Бэлтгэсэн Ш.МЯГМАР