БНСУ-ын Сөүл хотод амьдардаг эмэгтэй бусдын захиалгаар дэлгүүрт гал тавьсан хэрэг гарсан талаар бид өмнө нь мэдээлсэн. Тэрбээр хэргийн талаар мэдүүлэг өгөхдөө БНСУ-ын иргэн 26 настай Гу овогт гэх эрэгтэйн захиалгаар үйлдсэн гэдгээ хүлээн зөвшөөрсөн байна.

Түүнд гэмт хэрэг үйлдэхийг захиалсан Гу овогт мөн дэлгүүрийн эзэн байсан бөгөөд монгол эмэгтэйд дэлгүүр шатаасны хөлсөнд нэлээд мөнгө өгнө хэмээн амласан аж. Гэвч гал тавьсны дараа амласан мөнгөө өгөөгүй байна.

Харин Гу овогт болон гал тавьсан эмэгтэйг Сөүл хотын цагдаагийн газарт саатуулан, шалгаж байгаа юм байна.

Хэрэгт холбогдсон монгол эмэгтэй Солонгост сурдаг оюутан бөгөөд хоёр эгчтэйгээ хамт амьдардаг байжээ. Тэд тус улсад амьдраад жил гаруй болж байгаа гэнэ.

ЭХ СУРВАЛЖ: MMINFO.MN