Хүнс, хөдөө аж ахуй, хөнгөн үйлдвэрийн яамнаас /ХХААХҮЯ/ Засгийн газрын 100 хоног болон "Дэлхийн хүнсчдийн өдөр"-т зориулж Үндэсний цэцэрлэгт хүрээлэнд "Хүнс, хөдөө аж ахуй, хөнгөн үйлдвэрийн салбар" өдөрлөг  зохион байгууллаа.

Энэхүү өдөрлөг нь  11-16 цагийн хооронд үргэлжилсэн бөгөөд мастер тогооч нар 500 хүнд хүрэлцэхүйц цуйван “сэгсэрч” сюрприз барьсан байна. Тус цуйванг өдөрлөгт ирсэн хүн бүр амталжээ.

Өдөрлөгийн үеэр ХХААХҮЯ-ннас салбарын бодлого чиглэлээ танилцууллаа. Мөн "Монгол бренд-100” хүнс, бараа бүтээгдэхүүний үзэсгэлэн худалдаа, загварын шоу, “Сүүтэй цайны ёслол”, бүх нийтийн марафон гүйлтийг зохион байгуулсан юм.

Т.НОМИН