Монголын волейболын холбооноос “Гоё кап” залуучуудын Улсын аварга шалгаруулах тэмцээнийг "Буянт-Ухаа" спортын ордонд зохион байгууллаа. Уг тэмцээнд эрэгтэй 20, эмэгтэй найман баг өрсөлдөж, өчигдөр/2016.10.03/ медалийн эзэд тодорлоо.

“Гоё кап” тэмцээний хаалтын ажиллагаанд МВХ-ны Удирдах Зөвлөлийн тэргүүлэгчид Я.Самбууням, Ц,Ганзориг, Б.Намнандорж болон Монгол Улсын Гавьяат Дасгалжуулагч Д.Халзан багш оролцсон юм.

Долоо хоног үргэлжлэн явагдсан "ГОЁ КАП" УАШТ-д эрэгтэй багуудаас “Хасумегастарс, эмэгтэй багуудаас Сэлэнгэ аймгийн баг аваргын цомыг өргөлөө.

ДҮН:

ЭРЭГТЭЙ:

• Алтан медаль: ОУХМ Л.Баатархүрээ ахлах дасгалжуулагчтай, ОУХМ Д.Солонго, СМ М.Мөнхсайхан туслах дасгалжуулагчтай, СМ Э.Алтангэрэл ахлагчтай Хасумегаватт ХХК-ний Хасумегастарс
• Мөнгөн медаль: н.Даринчулуун дасгалжуулагчтай, Энхмөрөн ахлагчтай ДЦС-IV ТӨХК-ний Эрчим баг
• Хүрэл медаль: СМ А.Мөнхбаяр дасгалжуулагчтай Г.Ган-Очир ахлагчтай Алтай Трест ХХК-ний Алтайн барс баг

ЭМЭГТЭЙ:

• Алтан медаль: О.Наранбаатар дасгалжуулагчтай Г.Гандолгор ахлагчтай Сэлэнгэ аймаг
• Мөнгөн медаль: н.Майцэцэг дасгалжуулагчтай, н.Мөнх-Од туслах дасгалжуулагтай Т.Ундармаа ахлагчтай ХХЕГ Xилчин баг
• Хүрэл медаль: ОУХМ Г.Баярсайхан дасгалжуулагчтай Д.Отгонцэцэг ахлагтай Сүхбаатар аймаг

ШИЛДГҮҮД:

• Давуулагч: Сүхбаатар аймаг Б.Цолмон, Алтайн барс Б.Анхбаяр
• Хамгаалагч: Хилчин Б.Бямбагарав, Зүүн хараа И.Батбаяр
• Холбогч: Сэлэнгэ Г.Гандолгор, Хасумегастарс Э.Төрмандах
• Хаагч: Хилчин А.Осгонтамир,Хасумегастарс Ж.Батжаргал
• Довтлогч: Сэлэнгэ Д.Эрдэнэбулган,Хасумегастарс А.Базаргүр
• Тэгш тоглогч: Сэлэнгэ Г.Энхнаран, Эрчим З.Цэнд-Аюуш
• Дасгалжуулагч: Сэлэнгэ аймаг О.Наранбаатар, Хасумегастарс ОУХМ Л.Баатархүрээ нар шалгарлаа.

Ч.БОЛОР