УИХ-ын намрын чуулганыг өчигдөр нээж, УИХ-ын гишүүд ажилдаа орсон ч өнөөдөр зарлагдсан хоёр Байнгын хорооны хуралдаан арай хийн ирцэндээ хүрч хуралдсан бол нэг дэд хорооны хуралдаан ирц бүрдэхгүйгээс хойшиллоо.

УИХ-ын даргыг орон нутагт ажиллахаар Улаанбаатар хотоос мордонгуут энэ үйлдэл болсон учраас УИХ дахь МАН-ын бүлгийн гишүүд намынхаа даргыг эзгүйчлэв үү гэх хардлагыг ч төрүүлээд байна.

2016 оны УИХ-ын сонгуульд МАН үнэмлэхүй ялалт байгуулснаар 65 суудлыг парламентад авсан. Үндсэндээ сөрөг хүчний оролцоогүйгээр байнгын хороо, дэд хороо, чуулганы хуралдааны ирцийг дангаараа бүрдүүлэх боломж нь бүрэн юм.

Г.ХОРОЛ