Жак  Ма даяарчлалыг “асуудал” гэж харж буй хүмүүст анхааруулга өглөө. Тэрбээр Бид даяарчлалын замаараа л явах хэрэгтэй. Даяарчлал бол сайн зүйл…худалдаа зогсох үед дайн гардаг шүү дээ” гэв.

Алибабагийн гүйцэтгэх захирал Жак магийн хэлж буйгаар тэрээр даяарчлалын эсрэг үзэл ирэх арван нэгдүгээр сард болох АНУ-ын ерөнхийлөгчийн сонгуулийн дараа намжих байх хэмээн найдаж байгаа аж.

“Сонгуулийн талаар хүмүүс ярих бүрт хүмүүс Хятадыг шүүмжилж эхэлж байна. Тэд энийг ч, тэрийг ч бүгдийг нь л хамруулан шүүмжилж байна. Гэвч та бүхэн дэлхийн худалдааг яаж зогсоож чадах юм бэ? Бас худалдааг зогсоохын тулд яаж хана босгох гэж байгаа юм бэ?” хэмээн CNN-ний сурвалжлагч Андрев Стевенсд хэлэв.

Есдүгээр сарын эхээр Ханьжоу хотод Их 20-ийн чуулганы үеэр худалдаа болон даяаршил нь хэлэлцэх асуудлуудын хамгийн гол сэдэв байсан. Жак Магийн үзэж буйгаар даяаршил хангалттай хэмжээнд биш байгаа бөгөөд олон улсын худалдааг сайжруулж, хүмүүс түүнээс ашиг хүртэх ёстой аж. Тэрбээр Их 20-ийн дээд хэмжээний уулзалтын үер дэлхийн электрон худалдааны платформыг дэмжинэ гэж найдахын сацуу үндэстэн дамнасан корпорацуудын жишгээр  жижиг бизнесүүдийг дэлхийн хэмжээнд хэрэглэгчидтэй болоход нь тусална гэдэгт найдаж буйгаа илэрхийлсэн байна. Ингэснээр тэдэнд учрах саад бэрхшээлийг багасгахын сацуу төрөл бүрийн гаалийн татвар болон шалгалтуудыг бууруулдаг ач холбогдолтой аж. Тэрбээр хэлэхдээ “Залууст одоо байгаа технологийг ашиглах хөшүүргийг бий болгон, түүнийг ашиглахад нь туслах шийдэл хэрэгтэй. Тэгж байж тэд хаанаас ч, юу ч худалдан авах боломжтой болохын сацуу мөн зарж борлуулж дэлхийн хаан ч худалдаа хийх боломжтой болно. Хэрвээ та үүнийг хүсвэл зүгээр л бидэнтэй нэгд. Бүх л орны удирдагчид жижиг бизнесүүдийг дэмжинэ гэдэг боловч тэдний төлөө яг юу хийсэн юм бэ? Бид тэдэнд учирч буй бүх саад тотгорыг арилгах хэрэгтэй” гэв.

Г.АНУДАРЬ

Эх сурвалж: CNN