Азийн олимпийн зөвлөлийн ивээл дор зохион байгуулагддаг Азийн элсний V наадам Вьетнамын Данан хотноо үргэлжилж байна. Наадмын эхний өдөр /2016.09.25/ жюү жицү бөхийн төрөлд Б.Ариунцог /-94 кг/, Б.Өнөржаргал /+94 кг/ нар хүрэл медаль хүртсэн. Тэгвэл өнөөдөр болж буй хоёр дахь өдрийн барилдаанд эмэгтэйчүүдийн +70 кг-ын жинд өрсөлдсөн М.Сугар дөнгөж сая хүрэл медалийн болзол хангалаа.

Тэрбээр эхний тойрогтоо Вьетнамын тамирчныг оноогоор ялж, 2-р тойрогт Иордан улсын тамирчинд ялагдан, хүрэл медалийн төлөөх барилдаанд Туркменистаны бөхийг ялжээ.

Эрэгтэйчүүдийн 56 кг-ын жинд барилдаж буй Ө.Эрдэнэбаатар Энэтхэг, Ирак, Ираны тамирчдыг ялж, одоо аваргын төлөө Пакистаны бөхтэй өрсөлдөхөөр шалгараад байна. Мөн эмэгтэйчүүдийн 62 кг-д жинд өрсөлдөж байгаа Б.Буяндэлгэр Энэтхэг, Пакистан, Тайландын тамирчдыг ялж, аваргын төлөө Иордан улсын тамирчинтай  хүч үзэх болжээ.

Б.ЭНХ