УИХ-ын ээлжит бус чуулган хуралдаж, Эрүүгийн хууль, Зөрчлийн хуулийн хэрэгжих хугацааг 2017 оны долдугаар сарын 1-нээс хэрэгжихээр болгож хойшлуулсан. Түүнчлэн энэ хоёр хуулийг дагалдаж гарсан таван хуулийг ёсчлон батлаагүй гэдэг шалтгаанаар хууль санаачлагчид нь буцаасан юм.

УИХ-ын ээлжит бус чуулганаар баталсан бас нэг асуудал бол Төсвийн тодотгол байлаа. Тодотголоор дамжуулж оюутны 70 мянгыг энэ он дуустал олгоод, дараа онд олгохгүй байх шийдвэр гаргасан. Мөн хүүхдийн 20 мянгыг нийт хүүхдийн 60 хувьд олгохоор тусгасан юм. 

Дээрх асуудлаас гадна УИХ-ын 2016 оны намрын ээлжит чуулганаар хэлэлцэх асуудлыг баталсан.

Намрын ээлжит чуулганаар дараах асуудлыг хэлэлцэнэ. Үүнд:

• Монгол Улсын 2017 оны төсвийн тухай хуулийн төсөл

• Хүний хөгжил сангийн 2017 оны төсвийн тухай хуулийн төсөл

• Нийгмийн даатгалын сангийн 2017 оны төсвийн тухай хуулийн төсөл

• “Монгол Улсын эдийн засаг, нийгмийг 2017 онд хөгжүүлэх үндсэн чиглэл батлах тухай” УИХ-ын тогтоолын төсөл

• “Төрөөс мөнгөний бодлогын талаар 2017 онд баримтлах үндсэн чиглэл батлах тухай” УИХ-ын тогтоолын төсөл

• Эрүүгийн хэрэг хянан шийдвэрлэх тухай хуулийн төсөл

• Хууль сахиулах ажиллагааны тухай хуулийн төсөл

• Прокурорын байгууллагын тухай хуулийн төсөл

• Шүүхийн шийдвэр гүйцэтгэх тухай хуулийн төсөл

• Гэр бүлийн хүчирхийлэлтэй тэмцэх тухай хуулийн төсөл

• Эрүүгийн хуульд нэмэлт өөрчлөлт оруулах тухай хуулийн төсөл

• Зөрчлийн хуульд нэмэлт өөрчлөлт оруулах тухай хуулийн төсөл

• Монгол Улсын гадаад харилцааны тухай хуулийн төсөл

• “Монгол Улсын хууль тогтоомжийг 2020 он хүртэл боловсронгуй болгох үндсэн чиглэл батлах тухай” УИХ-ын тогтоолын төсөл

• Сонгуулийн тухай хуулийн төсөл

• Аж ахуй нэгжийн орлогын албан татварын тухай хуульд нэмэлт, өөрчлөлт оруулах тухай хуулийн төсөл

• Ач санах тухай хуулийн төсөл

• Хөрөнгө оруулалтын тухай хуульд нэмэлт өөрчлөлт оруулах тухай хуулийн төсөл

• Боловсролын зээлийн сангийн тухай хуулийн төсөл

• Улс төрийн хилс хэрэгт хэлмэгдэгчдийг цагаатгах тэдэнд нөхөн олговор олгох тухай хуульд нэмэлт өөрчлөлт оруулах тухай хуулийн төсөл

• Бусад