“Ulaanbaatar book fair 2016” олон улсын номын баярын нээлт өнөөдөр Сүхбаатарын талбайд болно. Тус арга хэмжээнд олон улсын зохиолч бүтээгч, уншигчид төдийгүй жуулчдыг татах олон сонирхолтой арга хэмжээг зохион байгуулах аж. Тодруулбал, “Ном яръя, кофе ууя”, “Уншлагын баяр”, Дэлхийн өнцөг булан бүрээс ирсэн хүүхдүүдтэй уулзах, Ахмад зохиолчдын хүндэтгэлийн арга хэмжээ, Зохиолын дүрийн тоглолтууд, Номын үзэсгэлэн худалдаа, Хүүхдийн зургийн уралдаан болно. Номын шагналтай олон тэмцээн уралдаанууд болохоос гадна энэ үеэр ном хэвлэлийн байгууллагууд номоо 20-50 хувийн хямдралтайгаар худалдахаар болжээ.

Б.БАТ