Улсын драмын эрдмийн театрын /УДЭТ/-ын уран уран бүтээлчид дэлхийн утга зохиолын ноён оргилын нэг Уильям Шекспирийн “Ромео Жульетта” сонгодог жүжгийг есдүгээр сарын 23, 24, 25-ны өдрүүдэд дахин тайзнаа тавихаар болжээ. Тус жүжгийг театрын 85 жилийн ойг угтаж тавьснаас хойш нийт 67 удаагийн тоглолтоор 31500 орчим үзэгч үзэж сонирхжээ.

“Ромео Жульетта”-гийн тасалбарыг есдүгээр сарын 12-ноос худалдаанд гаргасан бөгөөд 15, 20, 25, 30 мянган төгрөгийн үнэтэй тасалбарыг УДЭТ-ын билетийн касс болон www.easyticket.mn, үнэгүй хүргэлт 1900-1188-аар борлуулж байна.

Сонирхуулахад, УДЭТ-ын уран бүтээлчид “Ромео, Жульетта” жүжгээр есдүгээр сарын 11-16-ны өдрүүдэд Буриадын Улан-Үдэ хотноо болсон “Алтан Сэргэ” олон улсын театрын наадамд оролцож, “Шилдэг эрэгтэй дүр”, “Шилдэг эрэгтэй туслах дүр”, “Шилдэг эмэгтэй туслах дүр”, “Шилдэг хөгжмийн зохиолч” номинацид тэргүүлж, шагнал хүртсэн юм.

Б.ЭНХ