Дорнод аймгийн Хэрлэн сумын Хашаатад малын боомын өвчлөл гарч хорио цээрийн дэглэм тогтоожээ. Мөн тус сумын иргэн Н-д боом өвчний шинж тэмдэг илэрч, аймгийн БОЭТ-ийн халдвартын тасагт тусгаарлан эмчилгээ хийж эхэлсэнг эх сурвалж мэдээллээ. Оношийг баталгаажуулахаар өвчтнөөс авсан сорьцод ЗӨСҮТ-д шинжилгээ хийж байна. Мөн тархвар судлалын холбогдлыг тогтоохоор тус газарт мэргэжлийн шинжээчид ажиллаж эхэлжээ. Иймд малчин иргэд халдварт боом өвчнөөс урьдчилан сэргийлэх үүднээс эмч нар дараах зөвлөмжийг танилцуулж байна. 

• Боомын голомтот нутгийн малыг боомын эсрэг дархлаажуултад хамруулах

• Шалтгаан тодорхойгүй мал үхсэн тохиолдолд аль ойр байгаа мал эмнэлгийн байгууллагад яаралтай мэдээлэх

• Үхсэн малын мах, түүхий эд, арьс ширийг ашиглахгүй, бусдад худалдахгүй байх

• Хэрэв үхсэн малд хүрэх зайлшгүй шаардлага гарвал хамгаалах хувцас, халад, бээлий өмсөж занших (тухайн хувцасыг дахин хэрэглэхгүй байх)

• Мах, сүүн бүтээгдэхүүнийг гүйцэт боловсруулж хэрэглэх, мах худалдан авахдаа малын гарал үүслийн гэрчилгээг тодруулах шаардлагатай аж.

Д.ЖАГАР