Дэлхийн хамгийн сайхан хосуудын нэг хөлбөмбөгч Дэвид Бэкхэм болон түүний гэргий Виктория Бэкхэм нар хэдхэн хоногийн өмнө бяцхан охинтой болсон билээ. Арав гаруй жил ханилсан ч халуухан хэвээрээ хосуудын мөрөөдөл биелж, тэд энэ сарын 10-нд анхны охиноо өлгийдөн авсан юм. Виктория 10-ны ням гаригт Лос-Анжелес хотын эмнэлэгт кесарь хагалгаагаар охиноо төрүүлсэн бөгөөд хосууд охиндоо Харпер Севен /Harper Seven/ гэх нэр хайрлажээ. Дэвид бяцхан гүнжийнхээ зургийг Facebook хуудсандаа нийтэлснийг хүргэж байна.