Английн Премьер лигийн “Ливерпуль” клуб бразили хаалгач Александр Дониг эгнээндээ нэгтгэжээ. Өдгөө 31 настай Дони өнгөрсөн зургаан улирлыг Италийн “Рома” багт өнгөрүүлэхдээ Италийн цомын тэмцээнд хоёр, Супер цомын тэмцээнд нэг удаа түрүүлсэн юм. Тэрбээр мөн Бразилийн шигшээ багийн бүрэлдэхүүнд багтан 10 тоглолтод оролцжээ.

Мерсисайдын “Улаанууд” Ази дахь аялан тоглолтоо өчигдөр Сингапурт очсоноор өндөрлүүлжээ. Тэд өмнөх өдөр нь буюу өнгөрөгч бямба гаригт Малайзын нийслэл Куала Лумпур хотноо тус улсын шигшээ багтай нөхөрсөг тоглолт хийсэн юм.