Ralph Lauren сүрчгүүд алс холын орнуудыг өгүүлнэ

Үнэртний хувьд Ральф Лорен шинэхэн биш. Ralph Lauren Fragrances ордон 1978 оноос хойш гарч ирсэн юм. Гэлээ ч түүний нэрийн барааны дэлгүүр Орост ганцхан. Хоёр дахь нь Москвагийн Төв их дэлгүүрт есдүгээр сарын эхээр нээгдлээ. Үүнийг тохиолдуулан ордон сүрчгийн шинэ цуглуулгаа танилцуулав. Дизайнерийн таашаалын уснууд нь дэлхийн янз бүрийн цэгт зориулагджээ. “Янз бүрийн газар нутагт хүний сэтгэл хөдлөл хэрхэн үүсэхээс бүх зүйл хамааралтай. Би энэ тухай өөрийн “киног” бүтээдэг. Бүтэц, өнгө, үнэр нь миний зураг авалт юм” хэмээн Ральф Лорен хэлж байгаа.

Ralph Lauren Collection-ы эхнийх нь “Нью-Йоркийн хөрөг” аж. Тэнд амьдарч, цуглуулгаа хийж байгаа дизайнер хоёр цэцгийг сонгожээ. Сараана цэцгийн үнэрт мадагаскарын ванили, ягаан чинжүүний үнэр нэмжээ. Хоёр дахь ветивер цэцэгт тэр хар чинжүү, ногоон кардаманы аясыг шингээсэн байна. Хоёр дахь сүрчиг нь хотын үдэшлэгүүдийг илэрхийлж байгаа гэнэ.

“Ривьерын тухай мөрөөдөл” нэртэй хоёр үнэртэн нь эрэг хавийн гоо үзэсгэлэн илэрхийлэн шингээсэн аж. Лайм, калабрын бергомот цэцэгс далайн эргийн анхилуун үнэрийг гаргана. Флердоранж, нероли цэцгүүд шүүслэг жүржтэй хослон оройн цэцэрлэгийн агаарыг санагдуулна.

“Намайг Англи үргэлж татаж ирсэн юм. Английн дэгжрэлийг би сарнай, хад жимсний үнэрээр илэрхийлж байна. Цагаан цай гэх үнэртэн илүү сонгомол талаа барьсан ба мате, османтус, бергамот цэцэгсийн хольц англи тосгоныг илэрхийлнэ хэмээн Ральф тайлбарлав.

Америкийн задгай тал нутгийг тэр өөрийн “Америкийн дуунууд” цувралаар илэрхийлэхдээ инжир, шалфай, пихта зэрэг ургамлын үнэрийг шингээж өгчээ.

Үнэртний цуглуулгыг “Сафарийн эрдэнэс” төгсгөж байна. Гол нь энд халимын амбра чухалчлагдсан ба Африкийн саваннын ургамал, модод үнэрт нь шингэсэн байлаа.

Цуглуулгад нь арьсан эдлэл багтаагүй бол яаж Ralph Lauren байх билээ. Тэр үнэртний сав, гар цүнхийг энэ удаа дагуулжээ.

Үнэртэн тус бүр нь 100 ба 50 миллилитрийн хэмжээтэй. Орост нээгдсэн дэлгүүрийн энэ үнэртнүүд 19500 ба 13500 рублийн үнэтэй байна. Үнэртэй усны арьсан футляр уут нь 30000 рубль, үнэртнүүдийн аяллын хайрцаг нь 700000 рубль гэнэ.

Бэлтгэсэн Ш.МЯГМАР