Ням гаригт /2016.08.28/ Канцлер Ангела Меркель Германд амьдардаг Турк гаралтай иргэдийг зөрчил гаргахгүй байхыг шаардав.

Германд 3 сая Турк иргэд амьдардаг. Өнгөрөгч долдугаар сард Туркт цэргийн эргэлт гарсантай холбоотойгоор Герман дахь Эрдоганыг дэмждэг Турк иргэд, АНУ-д суурьшилтай цэргийн эргэлт хийхийг оролдсон хэмээн буруутгагдаж буй Гүленийг дэмжигчдийн хоорондох зөрчил нэмэгдсээр байгаа аж.

Канцлер Ангела Меркель “Туркд одоо өрнөж буй зөрчлийг Германд гаргахгүй байх нь нэн тэргүүний асуудал” хэмээн Германы ARD хэмээх нэвтрүүлэгт өгсөн ярилцлагандаа дурьдсан байна.

Мөн тэрээр Passauer Neue Presse сонинд “Бид Германд удаан хугацааны турш амьдарч буй Турк гаралтай иргэдээс манай улсад үнэнч, шударга байхыг шаардаж байна” гэсэн байна.

Г.АНУДАРЬ

ЭХ СУРВАЛЖ: REUTERS