Сум дүүргийн ИТХ-ын сонгууль аравдугаар сарын 19-нд болох бөгөөд санал хураалтыг автоматжуулсан системээр тоолно. Иймд бэлтгэл ажилд шаардлагатай 13,9 тэрбум төгрөгийг УИХ-ын өчигдрийн /2016.08.30/ хуралдаанаар батлав. Энэ хөрөнгийн юунд зарцуулах талаар дэлгэрүүлбэл:

• Нэр дэвшигчийн үнэмлэх, сонгуулийн үед ажиллах шадар туслагч, ухуулагч, ажиглагч нарын үнэмлэх хэвлэхэд 43 сая төгрөг

• Саналын хуудас хэвлүүлэхэд 3,3 тэрбум төгрөг

• Маягт хэвлэх хүргүүлэх зардал 7,7 сая төгрөг

• Тамга тэмдэг лац, саналын хуудас битүүмжлэн хадгалах уут бэлтгэх зардал 72 сая төгрөг

• Автомат машиныг засварлах, зөөвөрлөх, татан авахад 2,1 тэрбум төгрөг

• Санал хураалтын дүнгийн мэдээ дамжуулахад 241 сая төгрөг

• Санал авах байр тохижуулах зардал 440 сая төгрөг

• Сонгуулийн хууль тогтоомж болон сонгууль зохион байгуулахтай холбоотой зардал 444 сая төгрөг

• Сургалтын зардал 462 сая төгрөг

• Сурталчилгааны зардал 366 сая төгрөг

• Нэр дэвшигчдийн зардлыг хянахад 8 сая төгрөг

• Сонгуулиар ажиллаж нийт баг хамт олны хоолны зардал 4,2 тэрбум төгрөг

• Сонгуулийн хороодын бичиг хэрэг, шуудан, холбоо, унаа, албан томилолтын зардал 1,7 тэрбум төгрөг

• Сонгуулийн байгууллагын үйл ажиллагааны зардал 110 сая төгрөг тус тус зарцуулах юм байна.

Т.НОМИН