Эзэмшиж байгаа хөрөнгөөрөө дэлхийн эдийн засгийг ганхуулах хэмжээний 50 хүнийг бид та бүхэнд цувралаар танилцуулж байгаа билээ. Тэдгээрийн хөрөнгө Австрали, Испани, Мексикулсын жилийн ДНБ-ээс ч илүү, дангаараа нийт 1,46 триллион ам.долларыг бүрдүүлдэг аж.
2016 оны нэгдүгээр сард шинэчлэн гаргасан энэхүү жагсаалтад байгаа 50 хүний 29 нь АНУ-ын иргэн байна. Мөн уг жагсаалтад Хятад, Энэтхэг тэргүүтэй бусад улсын хөрөнгө оруулалт, технологийн салбараас төрсөн тэрбумтнууд багтжээ. Та энэхүү жагсаалтад бичигдэхийн тулд дор хаяж 14,3 тэрбум ам.долларын хөрөнгөтэй байх шаардлагатай. Тэдний ихэнхи нь төрөхдөө л баян байсан хүмүүс байгаагүй юм. Өөрөөр хэлбэл, дэлхийн тэргүүлэх 50 баяны гуравны хоёр нь өөрийн хүчээр дэлхийн хамгийн хүчирхэг компаниудыг үүсгэн байгуулж чаджээ. Өмнөх цувралуудад долдугаар сарын 2, 9, 20, 23, 30, наймдугаар сарын 6-ны өдөр нийтлэгдсэн бөгөөд дараах линкээр унших боломжтой.
- Дэлхийнхамгийнбаянхүнхэнбэ? /2016.07.02/
- Дэлхийнхамгийнбаянхүмүүстэйтанилц /2016.07.09/
- Дэлхийнхамгийнбаянхүмүүсхэнбэ? /2016.07.20/
- Дэлхийнхамгийнбаянхүмүүсхэнбэ? /2016.07.23/
- http://www.news.mn/r/309374 /2016.07.30/
- http://www.news.mn/r/309796 /2016.08.06/
18. Бернард Арнаулд
Хөрөнгө: 28,9 тэрбум
Нас: 66
Улс: Франц
Салбар: Тансаг зэрэглэлийн бүтээгдэхүүн үйлдвэрлэл
Хөрөнгийн эх үүсвэр: Өв залгамжлал/ Өөрийн хүчээр амжилтад хүрсэн, Louis Vuitton, Arnault
LVMH-д Louis Vuitton-оос эхлээд Hennessy, Dom Perignon гэх мэт нийт 70 тансаг брэнд багтсан байдаг бөгөөд энэ бүгдийг Бернард Арнаулд удирддаг аж.1971 онд тэрээр Францын Политехникийн их сургуулийг инженерийн мэргэжилээр дүүргэжээ. 1980, 90-ээд онуудад Арнаулд хотын инженерийн чиглэлээр ажилласан боловч гэр бүлийн бизнесээ авч явах шаардлагатай тулгарсан аж. Тухайн үед хийж байсан томоохон ажлуудын нэг нь дампуурлын аюулд нүүрлэсэн алдарт Christian Dior-ийг худалдаж аван хөл дээр нь босгожээ.
LVMH-ийн ихэнх брэндүүдийнадил Dior салбартаатэргүүлэн 2014 онд 33 тэрбумдолларынашгийгавчирсанаж.
Энэ жил Франц гаралтай захирал, CEO АНУ-д төвтэй хэрэглэгчид чиглэсэн хувийн хөрөнгө оруулалтын фирмийг үүсгэн байгуулжээ. "L Catterton" нэртэй уг фирм нь 12 тэрбум долларын хөрөнгийн сантайгаар үйл ажиллагаа явуулах зорилт тавьсан бөгөөд түүний 40 хувийг LVMH болон Arnault групп эзэмших аж.
Тэрээр Францын хоёр дахь баян хүн аж.
17. Лиллиан Бэттэнкурт
Хөрөнгө: 29 тэрбум
Нас: 93
Улс: Франц
Салбар: Гоо сайхны бүтээгдэхүүн
Хөрөнгийн эх үүсвэр: Өв залгамжлал/ Өөрийн хүчээр амжилтад хүрсэн, L'Oreal Group
Тэрээр 1922 онд L'Oreal группын үүсгэн байгуулагч EugèneSchueller цорын ганц охин болон Францын нийслэл Парис хотод мэндэлжээ.
Лиллиан Бэттэнкурт нь Франц дахь фашист групп болох La Cagoule-ийн гишүүн байсан бөгөөд Дэлхийн 2-р дайн үед түүний эцэг Нацистуудыг дэмждэг байсан учраас уг санг үүсгэн байгуулахад нь ихээхэн хувь нэмэр оруулжээ.
Тэрээр L'Oreal группын өв залгамжлагч, тус группийн хамгийн томхувьцаа эзэмшигч, европын хамгийн баян хүн төдийгүй, дэлхийн хоёр дахь баян эмэгтэй юм. Лиллиан тус группийн бизнесийн үйл ажиллагаанд оролцохоо больсон бөгөөд өөрийн хөгжин цэцэглэж буй Bettencourt Schueller санг өөрийн нөхрийн хамт удирддаг аж.
Тэрээр мөн Picasso, Matisse, Munch-ын урлагийн бүтээлүүдийг цуглуулга бүхий уран зураг, баримлуудтай аж.
16. Ванг Жианлин
Хөрөнгө: 29,2 тэрбум
Нас: 61
Улс: Хятад
Салбар: Үл хөдлөх хөрөнгө
Хөрөнгийн эх үүсвэр: Өөрийн хүчээр амжилтад хүрсэн, Dalian Wanda Групп
Ванг Жан лин нь Азийн хамгийн баян хүн төдийгүй дэлхийн хамгийн томоохон бизнес эрхлэгчдийн нэг юм. Үл хөдлөх хөрөнгийн салбарт домог болсон тэрээр 1970-1986 онуудад хятадын цэргийн албанд хүчин зүтгэж байжээ.Үүний дараа Их Британий усан онгоц үйлдвэрлэдэг Sunseeker болон АНУ-ын AMC энтертаймент зэрэг зуу зуун компанийг нэгтгэсэн Dalian Wanda группыг үүсгэн байгуулжээ. Түүний гадна зах зээлд оруулсан хамгийн том хөрөнгө оруулалт бол Сидней болон Мадрид дахь үл хөдлөх хөрөнгийн хөгжлийн төсөл байсан аж.
2014-2015 онуудад Ванг "Wanda" үл хөдлөх хөрөнгийн худалдааны төв болон кино театруудыг нээсэн бөгөөд хөрөнгийн анхдагч зах зээлд компанийхаа хувьцааг арилжсан нь 13,2 тэрбум доллараас 30 тэрбум долларын ашгийг үзүүлсэн төдийгүй азийн хамгийн том кино театр болсон аж. Мөн энэ хугацаанд тэрээр Испанийн хөл бөмбөгийн клуб болох “Atlético Madrid”-ын 20%-ийн хувьцааг 52 сая доллараар, “World Triathlon” корпорацийг 650 сая доллараар худалдаж авсан байна.
Түүний хэлж буйгаар ирээдүйн хөрөнгө оруулалт нь соёл урлагын салбарт түлхүү хийгдэх аж.
Ванг Жан лин нь энэ жил "Jurassic World" болон "The Dark Knight," гэх мэт киног хийсэн Legendary Entertainment-ийг 3,5 тэрбум доллараар худалдаж авсан байна. Энэхүү худалдан авалт нь түүнийг Холливудад хэмжээлшгүй эрх мэдэлтэй болгохын сацуу дэлхийн томоохон кино компаниудыг хяналтандаа авах төлөвлөгөөнийх нь нэгээхэн хэсгийг биелүүлсэн байна.
15. Алис Валтон
Хөрөнгө: 33,2 тэрбум
Нас: 66
Улс: АНУ
Салбар: Худалдаа
Хөрөнгийн эх үүсвэр: Өв залгамжлал, Wallmart
Walmart-ыг үүсгэн байгуулсан Сэйм Валтоны охин Алис Валтон нь компанийн гол хэсгийг атгадаг томоохон хувьцаа эзэмшигч юм.
Энэ нь түүнийг дэлхийн хамгийн баян эмэгтэй болгосон аж. Тэрээр ах нар шигээ аварга том сүлжээ дэлгүүрээ удирдах ажилд төдийлөн оролцоод байдаггүй. Алис хэтэрхий гоёмсог амьдралаараа болон түүний компанид бага хөлсөөр хүчин зүтгэдэг хүмүүсийн аж амьдралыг үл тоох байдлаараа wallmart-ын ажилчдын ярианы сэдэв болжээ.
Тэрээр Walmart-д цагаа өнгөрүүлэхийн оронд тэрээр галерейн эзэн байх илүү дуртай аж. Түүний цуглуулагт Andy Warhol, Norman Rockwell, and Georgia O'Keefe-ийн урлагийн бүтээлүүд багтсан байдаг аж. 2011 онд тэрээр 50 сая доллараар Crystal Bridges музейг Арканзас хотод нээсэн аж.
Гэвч тэрээр багагүй өглөгч нэгэн бөгөөд Wallmart-ын 3,7 сая доллартай тэнцэх хувьцааг орлогын эх үүсвэргүй гэрбүлүүдэд хандивлахын сацуу 48 сая долларын өртөгтэй Техас дахь фермерийн аж ахуй болон тансаг зэрэглэлийн амралтын газраа мөн хандивласан байна.
14. Роб Валтон
Хөрөнгө: 33,5 тэрбум
Нас: 71
Улс: АНУ
Салбар: Худалдаа
Хөрөнгийн эх үүсвэр: Өв залгамжлал, Wallmart
Самуэл Робсон буюу Роб Валтон нь Wallmart-ийг үүсгэн байгуулагч Сэм Валтоны том хүү юм.
Тэрээр 1969 оноос хойш домогт сүлжээ дэлгүүрт ажиллаж байгаа бөгөөд гүйцэтгэх захирлаас эхлээд удирдлагуудын хамгийн том захирлаар 23 жил ажилсаныхаа дараа албан тушаалаа өөрийн хүргэн хүүдээ өгсөн байна.
Хэдийгээр тус компани нь ажилчдадаа анхаардаггүй, шунахай, ажилчдын хөдөлмөрийг шулдаг гэх мэт олон нэр, гуншинг зүүсэн ч АНУ-ын хамгийн баян гэр бүлээр Валтоны ахан дүүс тодорсоор иржээ.
Гэвч тэд бас чамлахааргүй өглөгч гэр бүл юм. Роб болон түүний ах Wallmart-ийн 1,5 сая долларын хувьцааг “Walton Family Holdings Trust” хэмээх орлогын эх үүсвэргүй гэр бүл тусалдаг буяны байгууллагадаа хандивлахын сацуу дүү Алис нь 3,7 сая долларын хувьцааг мөн хандивласан байна.
Г.Анударь
Business insider
