Улсын цолонд хүрээсэй гэсэн олны итгэлийг дааж чадсан ч Төрийн наадмыг уяж, цалгардуулсан “зоригт” заан Ч.Санжаадамба улаан хүрэн өнгөнд дуртай бололтой. Даян аварга А.Сүхбат олон наадамд хүрэн дээлээр гоёж, тэр үзэмжээрээ наадамчдын сэтгэлд хоногшсон шиг шинэ заан Ч.Санжаадамба яг энэ хүрэн дээлтэй хэд хэдэн наадам, барилдаанд зодоглож байна. Залуу заан Хүй долоон худагт болсон Уяачдын наадамд ирэхдээ ч хүрэн дээлээ өмсч, хар бүрх малга духдуулсан байлаа. Залуу заан Ч.Санжаадамба энэ жиийн баяр наадамд шинэ харцага Ц.Содномдоржоор долоо давж, улсын заан цол хүртсэн билээ.