Энэ жил 80 жилийн ойгоо тэмдэглэж байгаа Сэлэнгэ нутгийнхан үндэсний их баяр наадамдаа одтой сайхан наадлаа. Хүчит бөхийн барилдаанд Сэлэнгэ аймгийн Мандал сумын харьяат, улсын өсөх идэр начин Гунаажавын Эрхэмбаяр үзүүрлэж, 78 жилийн дараа Сэлэнгэ нутгаас улсын арслан цолтон төрсөн бол Сэлэнгэ аймгийн Орхонтуул сумын харьяат, улсын өсөх идэр начин Түвдэндоржийн Өсөх-Ирээдүй улсын наадамдаа зургаа давж, Сэлэнгэ нутгаас төрсөн анхны харцага цолтон болсон билээ.

Энэ хоёр бөхийн амжилт “Ноёд” группийн захирал Г.Буяндорж гэж энэ эрхмийн хичээл зүтгэлтэй салшгүй холбоотой билээ. Сэлэнгэ аймгийн бизнесмэнүүдээс тэр л анх нутгийнхаа бөхчүүдийг тусалж дэмжин, заримыг нь өөрийн компанийн нэр дээр ивээн тэтгэж, үндэсний бөхийн бэлтгэл, сургуулилтад нь чамгүй анхаарал тавьж ирсэн байдаг. Өөрөө ч үндэсний бөхөд сонирхолтой, үргэлж л “Бөхийн өргөө”-нд барилдаан сонирхож суудаг ноён Г.Буяндоржийн хичээл зүтгэл талаар болсонгүй, түүний дэмжиж тусалдаг бөхчүүдээс хоёр нь ийн улсын өндөр цолонд хүрч, сайхан наадлаа.

Өчигдөр тэрбээр Хүй долоон худагт болсон Уяачдын наадамд оролцож, Сэлэнгэ нутгийн унаган хүү, Сангийн сайд С.Баярцогт нарын хамт шинэ арсландаа Lexus 570 автомашин бэлэглэж, арслан цолыг нь мялаасан юм.