Монголын хамгийн том амьд хөгжмийн наадам “Playtime-2011” энэ сарын 16,17-нд буюу ирэх бямба, ням гаригт Гачуурт дахь “Монгол шилтгээн”-д болох гэж байна. Энэ жил тус наадмын 10 жилийн ой тохиож байгаа билээ. Анх 2002 онд таван хамтлаг ая дуугаа өргөж байсан тус наадам өнөөдөр хүрээгээ тэлэн “Нисванис”, “Булсара”, “A-Sound”, “Лемонс”, “Моханик”, “Сүндэрьяа”, “Аясын салхи”, Daisy зэрэг 43 амьд хамтлаг, дуучид оролцохоор болжээ. Мөн энэ жилийн амьд хөгжмийн наадамд ОХУ-аас “Storm” хамтлаг хүрэлцэн ирж, хоёр өдөр монголын рокуудтай бут авах нь ээ.

Монголын орчин үеийн амьд хөгжмийг хөгжүүлж, шинэ залуу хамтлаг дуучдыг дэмжих зорилготой тус наадамд энэ жил “The Colors”, “Logos”, “Fata Morgana”, “No-Vo”, “The Compass”, “Dream land”, “Recon” гэх долоон шинэ хамтлаг “Playtime-2011”  наадамд өнгө нэмэх нь ээ.

Ерөнхий зохион байгуулагч “Hi-Fi records”, “Лемон” продакшн, “Sound of Mongolia”, “Монгол шилтгээн” хамтран ажиллаж байна. Наадмын үеэр уламжлал ёсоор майхан болон, шар айрагны хотхон барьж, галын наадам болно. Мөн “Play time-2011” зах ажиллах юм байна. Тус наадмыг зохион байгуулагчид үзэгчдэдээ амьд хөгжмийн баярыг барууны томоохон наадмуудын жишгээр хийх гэж байгаа учир хүн бүр сэтгэл хангалуун байж хоёр өдрийг өөрийн дуртай хамтлаг дуучдынхаа тоглолтыг үзэж цагаа зугаатай өнгөрүүлэх болно гэдэгт итгэлтэй байна гэв. Тиймээс “Play time-2011” наадмын үзэгчдийг майхнаа авч очин хонож, соёлтой боловсон үйлчлүүлэхийг уриаллаа.

Дашрамд сонирхуулахад наадмын эхний өдөр “Лемонс” хамтлагийн төрсөн өдөр болдон бөгөөд тус хамтлаг энэ жил найман нас хүрнэ.

 “Playtime-2011” амьд хөгжмийн наадмын хөтөлбөр:

7 сарын 16-нд

12.50     Dream Land
13.10     Fata Morgana
13.30     Crankheads
14.00     The Colors
14.30     The Feel
15.00     Unicorn    
15.30     One way
16.00     Memories of Tale
16.30     The Pips
17.00     The Brick Lanes
17.30     Бэрд
18.00     Хос сүх
18.30     Prophets
19.00     Metronome
19.30     Angel
20.00     Vatame
20.30     Greenwood
21.00     North Ducks
21.30     Mohanik
22.00     The Lemons
22.30     White Shadow
23.00     Bulsara
23.30     Storm
00.30      Галын наадам/ PT party:
00.30    DJ BD – Reggae set
01.00    Metalium – Metal set
01.30    Dund Gol – Alternative hip-hop set
02.00    Hi-Fi Radio – Rock/indie set         
    
             
7 сарын 17-нд

12.00    Logos
12.30    The Compass
13.00    Siramoni
13.30    The Blacks
14.00    Rec-On
14.30    No-vo
15.00    Left Limbo
15.30    Оршихуй
16.00    Sir Alex
16.30    UFO
17.00    Lego
17.30    Ixora
18.00    Med-Evil
18.30    Motorway
19.00    Sunderia
19.30    Аясын салхи
20.00    Madness
20.30    Daisy & Gang
21.00    A-Sound
21.30    Nisvanis