Олимпийн чимэг болсон АНУ –ын усанд сэлэлтийн багийн тамирчин Райан Лохте тэргүүтэй бусад багийн гишүүдийг  сүрдүүлж дээрэмдсэн  хэмээн өнгөрөгч Рио хотод ням гаригт /2016.08.14/ мэдээлсэн.

 Тэгвэл Бразилын цагдаагийн газраас үүнийг няцаасан байна.  Райан Лохте, Жаймс Фиеген, Жак Конгер, Гуннар Бэнц нарт наймдугаар сарын 14-ний өглөө үнэхээр дээрэмдүүлсэн эсэх нь албан ёсоор тогтоогдоогүй  бөгөөд  Райан Лохтегийн дээрэмдүүлсэн гэх мэдэгдлийг  түүнтэй хамт явж байсан багийн тамирчид болох Бэнц болон Конгер нар үгүйсгэсэн байна.

АНУ-ын Олимпийн хорооны тэргүүн Скотт Блакмун дээрх асуудлаар бразилчуудаас уучлалт гуйсан бөгөөд тэрээр хэлэхдээ:

-АНУ Олимпийн хороог төлөөлж бид энэ удаагийн олимпийн наадмыг зохион байгуулж буй Рио хотын захиргаа болон бразилчуудаас АНУ-ын тамирчдын биеэ зөв авч яваагүйгээс үүдэн олны анхаарлыг худал зүйлд сарниулсандаа уучлал хүсч байна  гэв.  Мөн түүнчлэн “Эдгээр тамирчдын гаргасан үйлдэл нь маш буруу зүйл байлаа, тэд АНУ-ын баг тамирчдыг ийм байдлаар төлөөлөх нь зохисгүй хэрэг. Бид энэ асуудлыг АНУ-д буцаж очсоны дараа дахин нэг нягталж үзэх болно” хэмээсэн байна.

Эх сурвалж: CNN

Г.Анударь