Английн “Саутхэмптон” клубын төвийн хамгаалагч, Португал эр Жозе Фонте зуны солилцоо наймааны цонх хаагдахаас өмнө багаасаа явж магадгүй болоод байна. Учир нь түүнийг “Манчестер Юнайтед” болон “Арсенал” клубүүд сонирхож байгаа ажээ.

“Манчестер Юнайтед” клуб түүнийг аль эртнээс сонирхож байгаа бөгөөд Рохог зараад, оронд нь Фонтег авахаар төлөвлөөд байгаа бололтой юм. Харин лигийн нээлтийн тоглолтод “Ливерпүүл”-д 4 гоол алдсан “Арсенал” хамгаалалтаа зузаатгахаар зорьж байгаа ажээ. “Их буучид” түүний төлөө 10 саяын санал хүргүүлсэн юм байна. Фонте энэ жил Португалын хамтаар Европын аварга шалгаруулах тэмцээнд түрүүлсэн билээ.

ЭХ СУРВАЛЖ: http://www.mminfo.mn