АНУ-аас Сирид баривчлагдсан иргэдийг суллахад туслахыг ОХУ-аас хүссэн гэсэн мэдээллийг тус улсын ерөнхийлөгч Владимир Путин батлахын сацуу Москва зөвшөөрсөн хэмээн TASS мэдээлэв.

“Хэдэн сарын өмнө АНУ-аас Сирид баригдсан АНУ-ын иргэдийг суллахад туслахыг биднээс  хүссэн” хэмээн Мягмар гарагт /2016.08.09/ Туркийн ерөнхийлөгч Эрдогантай уулзсаныхаа дараа хэвлэлийн бага хурлын үеэр мэдээлсэн байна.

“Энэ тийм онцын үйл явдал болоогүй. Бид Сирийн удирдлагуудтай зөвшилцөлд хүрч, тэдгээр баривчлагдсан иргэдийг ямар нэгэн нөхцөл, төлөөсгүйгээр АНУ-ын талд хүлээлгэн өгсөн. Бид үүнийг  зөвхөн хүмүүнлэгийн үйл хэргийн хүрээнд л хийсэн” хэмээн ерөнхийлөгч Путин хэлсэн байна.

Г.Анударь

Эх сурвалж: Russia Times