АНУ-ын эрх баригчид өөрсдийн эдийн засгийн бүх асуудлаа мөнгө хэвлэх машинаа ажиллуулж байж шийддэг гэж Оросын ерөнхий сайд Владимир Путин Шинжлэх ухааны академийн эдийн засагч нартай уулзахдаа хэлсэн байна. “Бурхны буянаар,  эсвэл гай болоход бид нөөцийн мөнгийг хэвлэдэггүй. Харин тэд яаж байна вэ? Хулигаантаад л машинаа залгаад л, өөрийн анхан шатны үүргээ биелүүлэхээр дэлхий даяар мөнгө цацаж байна” гэж Путин хэлжээ.

Доллар нөөцийн валют учраасАНУ мөнгө хэвлэх монополи эрхтэй байна гэж иПутин бас санууллаа. Орос ийм маягаар төсвийн алдагдлаа ихэсгэн урсгал асуудлаа шийдэж чадахгүй гэж тэр онцлов. Хямралаас өмнө Оросын төсөв ихээхэн алдагдалтай байсан бол одоо алдагдал  маш бага гээд энэ жилийн дундаас Оросын төсөв алдагдалгүй болно гэжээ.

Үүнээс өмнө Оросын удирдлага АНУ-ыг эдийн засгийн бодлогын талаар шүүмжилж байлаа. 2008 онд Путин хэлэхдээ АНУ-ын  дэлхийн лидер болохоор бүтээсэн систем нь “хариуцлагагүй” гэж байсан бол түүнээс өмнө Дмитрий Медведев АНУ хямралыг өдөөн дэлхийг “блаллаж” байна гэж хэлсэн байлаа.