Үндэсний баяр наадмын хүчит бөхийн барилдааны зургаагийн даваа үргэлжилж байна. Улсын начин цолтой бөхчүүд, мөн өнөө жилийн улсын баяр наадамд тав давснаар улсын начин цолонд хүрсэн аймгийн арслангуудаас одоогийн байдлаар зургаа нь зургаа давж, улсын харцага цолны болзол хангаад байна. Улсын начин А.Цацабшир улсын арслан Д.Азжаргалыг, улсын начин Г.Эрхэмбаяр аймгийн арслан Ш.Жаргалсайханг, улсын начин Т.Өсөх-Ирээдүй аймгийн арслан Б.Амарзаяаг, улсын начин Ц.Содномдорж аймгийн арслан Б.Батмөнхийг, улсын начин Ж.Бат-Эрдэнэ аймгийн арслан Ж.Чулуунбатыг тус тус давснаар улсын харцага цолны болзол хангасан бол аймгийн арслан Г.Алтангэрэл улсын арслан Д.Ганхуягаар зургаа давж, улсын харцага цолонд хүрлээ.

Зургаагийн даваанд даян аварга Г.Өсөхбаяр аймгийн арслан Б.Сумъяаг, улсын арслан Х.Мөнхбаатар аймгийн арслан М.Эрдэнэбатыг, улсын заан Д.Рагчаа аймгийн арслан А.Батмөнхийг, улсын заан Б.Сайнбаяр аймгийн арслан Б.Гончигдамбыг тус тус даваад байна.

Үндэсний баяр наадмын хүчит бөхийн барилдааны зургаагийн даваа үргэлжилж байна.