Ливийн лидер Муаммар Каддафийн арми нийслэлээсээ зүүн өмнө зүгт сөрөг довтолгоонд оржээ. Өмнө нь босогчид баруун хойд Злитан хотоос нийслэлийн зүг довтолгоонд орсон тухай  BBC News мэдээлсэн юм. Байлдаан Триполи хотоос 50 км-ийн зайтай болж байгаа тухай Agence France-Presse өчигдөр мэдээлжээ.

BBC News агентлагийн мэдээлснээр мэргэжлийн цэрэг биш босогчид ихээхэн хохирол  хүлээж байгаа гэнэ. Босогчдын нэг 22 настай Абу Бейкер хэлэхдээ “Хохирол босогчдын  шийдэмгий байдалд нөлөөлөхгүй” гэжээ.  Өдгөө Каддафийн эсрэг талынхан тус орны зүүн хэсгийг бүрэн хяналтдаа авсан бөгөөд тэдний баруун тийш нийслэлийн зүг хийх довтолгоон Каддафийн армийн ширүүн эсэргүүцэлтэй тулгарч байна.