Орхон аймгийн 35 жилийн ойн их баяр наадмын хүчит бөхийн барилдаанд улсын заан Ц.Мягмарсүрэн, улсын харцага Э.Батбаатар, Г.Ганхуяг, С.Намсрайжав, улсын начин Ц.Сумъяабэйс, Б.Бадамдорж, Ж.Оргил, Э.Энхбат, цэргийн хурц арслан Ч.Санжаадамба нарын тэргүүтэй улс аймгийн алдар цолтой болон залуу 256 бөх  зодоглов.

Барилдааны түрүү бөхөөр Хөвсгөл аймгийн Шинэ-Идэр сумын харъяат аймгийн харцага Б.Ганхуяг тодорч аймгийн арслан цол хүртсэн бол Увс аймгийн Тэс сумын харъяат аймгийн заан Б.Ганзориг үзүүрлэж заан цолоо баталлаа.

Их шөвгийн дөрөвт Булган аймгийн Могод  сумын харъяат улсын начин Э.Энхбат, Архангай аймгийн Хашаат сумын харъяат цэргийн хурц арслан Ч.Санжаадамба нар үлдэв.

Харин шөвгийн наймд Хөвсгөл аймгийн Галт сумын харъяат улсын харцага Г.Ганхуяг, Ховд аймгийн Мянгад сумын харъяат аймгийн харцага Н.Батсайхан, Орхон аймгийн харъяат сумын заан Сугаржав, Ховд аймгийн Чандмань сумын харъяат сумын заан Н.Тунамал-Эрдэнэ нар шалгарлаа. 

Ийнхүү сумын заан Н.Тунамал-Эрдэнэ, Сугаржав нар шөвгийн дөрөвт шалгарч аймгийн начин цол хүрстэн юм.

Тавын даваа

1. Ц.Мягмарсүрэн у.з – Н.Батсайхан а.х
2. Г.Ганхуяг у.х – Тулга ц.з
3. Ц.Сумъяабэйс у.н – Сугаржав с.з    -аймгийн начин цол хүртэв.
4. Б.Баянмөнх у.н – Б.Ганхуяг а.х
5. Ж.Оргил у.н – Н.Тунамал-Эрдэнэ с.з    – аймгийн начин цол хүртэв.
6. Э.Энхбат у.н – А.Батмөнх а.а
7. Ч.Санжаадамба ц.х.а – Гантулга а.н
8. Н.Түвшинбаяр а.а – Б.Ганзориг а.з

Зургаагийн даваа

1. Г.Ганхуяг у.х – Б.Ганхуяг а.х
2. Э.Энхбат у.н – Сугаржав с.з
3. Ч.Санжаадамба ц.х.а – Н.Тунамал-Эрдэнэ с.з
4. Б.Ганзориг а.з – Н.Батсайхан а.х

Долоогийн даваа

1. Э.Энхбат у.н – Б.Ганхуяг а.х
2. Ч.Санжаадамба ц.х.а – Б.Ганзориг а.з    – цолоо батлав.

Наймын даваа

1. Б.Ганзориг а.з – Б.Ганхуяг а.х    – аймгийн арслан цол хүртэв.
/үзүүрлэсэн/          /түрүүлсэн/