Баян-Өлгийн наадам болов

Монголын тулгар төрийн 2220 жил, Их Монгол улс байгуулагдсаны 805 жил,
Тусгаар тогтнолын 100 жил, Ардын хувьсгалын 90 жилийн ойн түүхт ойнууд давхцаж энэ жил Баян-Өлгий аймгын баяр наадам сайхан болж өнгөрлөө.

Баян-Өлгий аймгийн 71 жилийн ойн наадамд улсын начин Ө.Сумъяа, аймгийн хурц арслан Ш.Мурат, аймгийн арслан К.Канат, Курметбек нарын тэргүүтэй улс аймгийн алдар цолтой болон залуу 256 бөх зодоглов.

Барилдаанд Баян-Өлгий аймгийн Алтай сумын харъяат сумын заан М.Еркебулан түрүүлж аймгийн арслан цол хүртсэн бол Улаанхус сумын харъяат улсын шандаст, сумын заан Б.Серик үзүүрлэн аймгийн заан цол хүртэв. Шөвгийн дөрөвт Цэнгэл сумын харъяат аймгийн начин Б.Бегжан, Хөвсгөл аймгийн харъяат аймгийн харцага Цолмонбаатар нар үлдэж аймгийн начин Б.Бегжан аймгийн харцага цол хүрлээ. Харин шөвгийн наймд Цэнгэл сумын харъяат умын заан М.Аманбек, Алтай сумын харъяат сумын заан Бат-Үүл, Увс аймгийн харъяат сумын заан Нямбуу, Ховд аймгийн аймгийн начин Ууганбаяр нар шалгаран үлдэж Ууганбаяр цолоо батлан, М.Аманбек, Бат-Үүл, Нямбуу нар аймгийн начин цолны болзол хангасан юм.

Ийнхүү Баян-Өлгий аймгийн 71 жилийн ойн баяр наадмаас аймгийн арслан нэг, заан нэг, харцага нэг, начин гурав шинээр төрлөө. Мөн аймгийн нэг харцага, нэг начин цолтон цолоо батлав.

Тавын даваа

1. Маралбек а.з – Серик с.з
2. Уламбаяр а.з – Бат-Үүл с.з
3. Цолмонбаатар а.х – Т.Мөнгөнхүү а.н
4. Б.Бегжан а.н – Шалхар с.з
5. Ууганбаяр а.н – Мустафа с.з
6. Нямбуу с.з – Б.Тайван с.з
7. Аманбек с.з – Отгонцоож с.з
8. М.Еркебулан с.з – Мөнх-Од с.з