Үндэсний их баяр наадам эхэлж, худалдаа, үйлчилгээний байгууллагууд хуваарь гарган, баярын өдрүүдэд наадамчин олонд үйлчилж байна. Баяр наадмын өдрүүдэд ямар, ямар дэлгүүр ажиллах талаарх мэдээллийг хүргэж байна.

– “Номин холдинг”-ийн сүлжээ дэлгүүрүү 11-12-нд “Номин их дэлгүүр”, “Номин хайпермаркет, супермаркет”, “Номин агуулах худалдаа” 11.00 -20.00 цаг хүртэл ажиллаж, долдугаар сарын 13-нд 10.00-21.00 цаг хүртэл ажиллах юм.

-“Боса” сүлжээ дэлгүүрүүд баяр наадмын өдрүүдэд амралтгүйгээр 08.00-23.00 цагийн хооронд ажиллах бол “Миний дэлгүүр” сүлжээний дэлгүүрүүд мөн баяр наадмын өдрүүдэд амралтгүйгээр 08.30 -22.00 цагт ажиллах юм байна. Тэгвэл “Скай” их дэлгүүр долдугаар сарын 10-13-нд 10.00-21.00 цаг, “Скай”  хайпермаркет 09.30 – 20.00 цагт ажиллаж, 14-16-ыг дуустал амраад, 17-ноос эхлэн ердийн цагийн хуваарийн дагуу ажиллах ажээ.

-“Нарантуул”, “Хархорин”, “Барс”, “Хүчит шонхор”, “Да хүрээ” зэрэг худалдааны төвүүд маргаашнаас эхлэн амрах аж. Эдгээр зах, худалдааны төвүүд баяр наадмын дараа ердийн хуваариар ажиллана.

-Мөн бэлэг дурсгал, цэцгийн худалдаа төвлөрсөн “Цэцэг төв” энэ сарын 13-ныг хүртэлх хугацаанд 11.00 -17.00 цагт ажиллана гэдгийг дуулгая.