Алт олборлодог учраас ашиг сонирхлын зөрчилтэй гэв | News.MN

Алт олборлодог учраас ашиг сонирхлын зөрчилтэй гэв

Хуучирсан мэдээ: 2016.07.22-нд нийтлэгдсэн

Алт олборлодог учраас ашиг сонирхлын зөрчилтэй гэв

Алт олборлодог учраас ашиг сонирхлын зөрчилтэй гэв

УИХ-ын чуулганы үдээс өмнөх хуралдаанаар Байнгын хороодын дарга нарын асуудлыг хэлэлцэж баталлаа. Байнгын хороодын дарга нар дотор ашиг сонирхлын зөрчилтэй хүн байгааг ч шүүмжлэх хүмүүс олон байна. Тухайлбал, Байгаль орчин, хөдөө аж ахуйн байнгын хорооны даргаар Ц.Гарамжавыг томилсон нь ашиг сонирхолын зөрчилтэй томилгоо боллоо гэж  намынхан нь хүртэл бухимдаж байгаа гэнэ. Тодруулбал, өчигдрийн Байгаль орчин, хүнс хөдөө аж ахуйн байнгын хорооны хуралдаан дээр УИХ-ын гишүүн А.Сүхбат түүнд хандаж, "Чи ичдэггүй юм уу, байгаль орчин сүйтгэгч байж, байгаль орчин, хүнс хөдөө аж ахуйн байнгын хороог толгойлохдоо" хэмээн хатуу үг шидэлсэн сураг байна. Тэгвэл УИХ-ын гишүүн Х.Болорчулуун ч түүний томилгоог байнгын хороон дээрээ эсэргүүцэж, "Онон голыг бохирдуулсан" гэж буруутгасан талаар намын гишүүд нь ярьж байна.

Тэрбээр алт олборлогч Монголын томчуудын нэг. Тэр утгаараа байгаль орчинг сүйтгэгчийг Байгаль орчин, хөдөө аж ахуйн байнгын хорооны даргаар томилсонд эгдүүцэх хүмүүс олон байна. Өөрөөр хэлбэл, байгаль сүйтгэгч байгаль хамгаалж чадах уу гэж байгаль хамгаалагчид халаглаж байгаа гэсэн шүү.

 А.Шархүү

"Болор дуран"-аар шалгав.
Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

4 сэтгэгдэл

News.mn сайтад сэтгэгдэл оруулахад анхаарах зүйлс

NewsMN Гар утасны хувилбар Татах
NEWS.mn

Мэдээллийн эх сурвалж