УИХ-ын байнгын хороодын хуралдааныг зарлан хуралдуулахаар болж, бэлтгэл хангаж эхэллээ.

УИХ дахь МАН-ын бүлэг саяхан хуралдаж, байнгын хороодын дарга нарыг тодруулсан. Иймээс бүх байнгын хороодын дарга нарыг хэлэлцэн, УИХ-ын чуулганы нэгдсэн хуралдаанд оруулж батлуулах аж.

Засгийн газрын танхимын сайд нарыг УИХ-аар томилохоос урьтаж байнгын хороодын дарга нарыг томилох шаардлагатай тул ийнхүү байнгын хороодын хуралдаан зарлалаа.

Байнгын хороодын хуралдаан дуусангуут үргэлжлүүлэн УИХ-ын чуулганы нэгдсэн хуралдаан болно.

УИХ нийт найман байнгын хороотой. Байнгын хороодын дарга нарт дараах УИХ-ын гишүүдийг томилуулахаар УИХ дахь МАН-ын бүлгээс санал болгоод байна.

• Аюулгүй байдал, гадаад бодлогын байнгын хорооны даргад Ж.Энхбаяр
• Төсвийн байнгын хорооны даргад Ч.Хүрэлбаатар
• Эдийн засгийн байнгын хорооны даргад Д.Тэрбишдагва
• Нийгмийн бодлого, боловсрол, соёл, шинжлэх ухааны байнгын хорооны даргад Л.Энх-Амгалан
• Байгаль орчин, хүнс хөдөө аж ахуйн байнгын хорооны даргад Ц.Гарамжав
• Хууль зүйн байнгын хорооны даргад Ш.Раднаасэд
• Өргөдлийн байнгын хорооны даргад УИХ-ын гишүүн Д.Сарангэрэл
• Төрийн байгуулалтын байнгын хорооны даргад Н.Энхболд

Байнгын хорооны даргыг хоёр жилийн хугацаатай томилдог юм.

Г.ДАРЬ