АНУ-ын экс-ерөнхийлөгч Барак Обамагийн том охин Малия Британийн хөрөнгө оруулалтын менежерийн хүүтэй болзож байгаа гэнэ. Малия энэ жил 19 настай юм. 

Өнгөрсөн амралтын өдрүүдээр болсон Харвард ба Йелийн их сургуулийн хөлбөмбөгийн тэмцээний үеэр Малия нэгэн залуутай үнсэлцэж буй бичлэгийг TMZ анх нийтэлсэн юм. Хожим Британийн Daily Mail сонин Малиягийн дурлалт залуу нь Рори Фаркухарсон гэгч болохыг “тогтоосон” байна.

Фаркухарсон нь 19 настай, Англид жилийн 47 мянган ам.долларын төлбөртэй хувийн сургуулийг төгссөн, энэ жил Харвард их сургуульд элсэн оржээ. Ахлах сургуульдаа нэр хүндтэй, алдартай сурагч байсан тэрбээр гольф, регби тоглодог гэнэ. 

Түүний эцэг нь 57 настай Чарльз Фаркухарсон юм. Тэрбээр Лондонд төвтэй Insight Investment Management Limited компанийн гүйцэтгэх захирал. Харин ээж Катерин нь нягтлан бодогч гэнэ. 

С.ЦЭЛМЭГ