Мэргэжлийн сүмогийн арваннэгдүгээр сарын Кюүшюү башёгийн 11 дэх өдрийн барилдаан энэ цагт өндөрлөлөө. Өнөөдрийн барилдаанд их аварга Хакүхо сэкивакэ Ёошиказэд ялагдсанаар 10 даваа, нэг унаатай боллоо. Тэгвэл маэгаширагийн 3-с барилдаж буй Хокүтофүжи озэки Гоэйдог давснаар өөрийн даваагаа ес болголоо. Мөн озэки Такаясү Ичиножёо А.Ичинноровоор найм дахь даваагаа авчээ. Харин Тамаваши Б.Мөнх-Оргил Араваши Э.Дөлгөөнөөгөөр 50 хувийн амжилтаа үзүүллээ.

Кюүшюү башёг их аварга Хакүхо М.Даваажаргал 10 даваа, нэг унаатай болсон бол Хокүтофүжи, Окиноүми нар есөн даваа, хоёр унаатай тэргүүлэгчдийн хоёрдугаар эгнээнд бичигдлээ.

Ч.БОЛ